Северина најави дека ќе му се „одмазди“ на Милан: „Ќе барам целосно старателство“

Детали

среда, 21 февруари 2024

„Сè e подобро од тоа синот да си го гледам двапати неделно по 4 часа. Но, нема да застанам на ова“, вели Северина, откако повторно доби старателство на својот син, а сепак ќе мора да го дели пола-пола со некогашниот партнер, Милан Поповиќ.

Еден месец откако на Северина ѝ беше одземено старателството над синот Александар, Жупанискиот суд во Сплит донесе нова одлука со која ѝ го врати детето.

Со ова, старателството ќе биде поделено на пола помеѓу неа и поранешниот партнер, Милан Поповиќ, кои ќе минуваат по половина месец со Александар.

На денот на неговиот 12-ти роденден (20.02) јавноста дозна дека Александар сепак ќе биде покрај својата мајка.

По ова, во медиумите се огласи и Северина, која најави дека „ќе му се одмазди“ на Милан и ќе направи сè што може за да добие целосно старателство над синот.

„Воопшто не очекував дека Сплитскиот жупаниски суд толку брзо ќе донесе нова одлука, бидејќи досега во мојот случај, односно во случајот на моето дете, сè беше бавно, полно со неправда и корупција.

Сплитскиот суд повторно донесе пресуда како во 2021 година, која е пола-пола.

Добро е што се вратија на тоа, сè е подобро од тоа да го гледам двапати неделно по четири часа. Но, нема да застанам тука, ќе одам до крај.

Ќе барам независно старателство и, секако, продолжувам да се борам за сите жени, односно нивните деца, со кои системот си игра како да се топка, кои се жртви на системот и институциите, 'моќни и немоќни жени'. Борбата продолжува“, изјави Северина за „Вечерњи лист“.

За потсетување, на 23 јануари 2024 јавноста дозна дека Врховниот суд ја укина пресудата на Жупанискиот суд во Сплит, со која беше прекршен Законот за парнична постапка.

Тогаш беше објавено дека Милан и Северина повеќе нема да имаат заедничко старателство, што го одреди Жупанискиот суд во Сплит во 2021 година, туку дека Александар ќе му се врати на својот татко.

Таа одлука стапи на сила веднаш, без оглед на жалбата на пејачката.

Прочитајте и Судот ѝ го врати синот на Северина, старателството ќе се дели меѓу пејачката и Милан Поповиќ

А. Ј. | Црнобело