Која е Теодора Павловска – Девојката што ќе ја претставува Србија на Евровизија?

Детали

понеделник, 04 март 2024

Татко ѝ бил познат сликар и графички дизајнер, а мајка ѝ новинарка и етнолог која проучувала и влашка магија. Која е Теодора Павловска, попозната како Теја Дора – девојката што ќе ја претставува Србија на Евровизија?

Во саботата (02.03) Теодора Павловска, попозната како Теја Дора однесе победа на српскиот избор за Песна за Евровизија и таа ќе ја има можноста да ја претставува својата држава на престижниот музички натпревар што годинава ќе се одржи во Малме, Шведска.

Слушнете ја песната „Рамонда“ со која Теодора ќе ја претставува Србија на Евровизија:

Во продолжение неколку интересни факти за пејачката Теја Дора:

Теја Дора, која победи со песната „Рамонда“, јавно вели дека не сака премногу да зборува за својот приватен живот, но, сепак, во српските медиуми се објавени повеќе информации за неа и за нејзиното семејство.

Теја Дора е ќерка на познатиот сликар и графички дизајнер Гандра Драган Павловски и новинарката Јасна Јојиќ. Таа е родена во 1992-ра година и е третиот српски музичар со над еден милион слушатели месечно на Spotify.

Нејзините родители аматерски се занимавале со музика, па Теодора од пет години тргнала во музичко училиште каде изучувала како да свири пијано.

Додека Теодора била мала, татко ѝ работел во Кипар, а мајка ѝ била новинарка во Бор, па каде и да одела за да работи на репортажи, ја носела ќерката со себе. Така Теодора од мали нозе пораснала опкружена од новинари.

Паралелно со средното образование, таа одела и во музичкото училиште „Д-р Војислав Вучковиќ“ на отсекот за пијано.

Продолжува на следната страница...