Која е Теодора Павловска – Девојката што ќе ја претставува Србија на Евровизија?

Таа била добитничка на стипендија за музичкиот колеџ Беркли во Бостон, а во тоа време пеела пратечки вокали за повеќе американски изведувачи како Пети Остин, Сида Герет, Џери Ален и Валери Симпсон.

По дипломирањето, одреден период живеела во Њујорк, но потоа одлучила да се врати во Србија, каде повеќе години наназад работи како текстописец, композитор, пијанистка и музички продуцент.

Во 2018-та година ја објавила песната „Да на мени је“, а најголема слава стекнува во 2023-та година кога ја објави песната „Џанум“, која беше саундтрак за филмот „Јужни ветар“.

Песната „Џанум“ е посветена на нејзиниот татко Драган, кого трагично го загубила во 2021-ва година. Таа во една пригода изјави дека ѝ е многу тешко да ја пее оваа песна затоа што ја потсетува на загубата и на тоа дека личноста што многу ја сакала веќе не е тука и не може да се израдува на нејзиниот успех.

Нејзината мајка, Јасна, е позната новинарка и етнолог, а во последните години се посветила на истражување и разбирање на влашката магија, па има објавено повеќе книги на таа тема.

Таа има објавено три книги поврзани со оваа тематика, а освен тоа објавила и книга со лековити билки.

Теја Дора има добиено голем број признанија и награди, а се очекува дека со учеството на Евровизија ќе успее да се вивне кон светските ѕвезди и музичките имиња за кои ќе слушне целиот свет.

Прочитајте и CRNOBELO во Белград: Како беше зад сцената на српскиот избор за Песна на Евровизија? (видео)

Б. С. Б. | Црнобело