Сакал да стане ортопед, по 2 разводи се ожени за 20 години помлада фризерка – Факти за актерот Драган Маринковиќ - Маца

Детали

сабота, 20 април 2024

Македонска режисерка го натерала да се запише на глума, во периодот кога не знаел што да прави во животот. Не сакал да побегне од војната во БиХ заради мајка му, па бил присутен во нејзиниот стан кога со граната бил погоден станот над нив. Детали за животот на актерот Драган Маринковиќ - Маца.

Босанскиот актер, режисер и водител Драган Маринковиќ во јавноста е познат како Маца.

Иако глумел во многу филмови, серии и претстави, публиката најмногу го препознава како телевизиски водител и учесник во реални шоуа.

Роден е на 17 март во 1968 година во Сараево, во олимпискиот дел од градот.

Бил меѓу првите што имал панк фризура, а се дружел со урбани ликови, кои слушале домашна и странска панк и рок музика.

Негово животно мото е: „Можеш да ме сакаш, можеш да ме мразиш, но не можеш да ме игнорираш“.

Маца има специфичен стил, имиџ, харизма, но и оригинална смисла за хумор.

Прекарот Маца го добил затоа што и самиот секогаш кога се запознавал со некој, му го заборавал името, па го нарекувал „мацо“.

Така и него започнале да го викаат Маца.

Детство и тинејџерски денови

Неговите родители биле разведени и живеел сам со мајка му, а татко му ретко го гледал.

Најголема желба од детството му било да стане доктор и тоа специјалист по ортопедија. 

Бил одличен ученик и тоа што сакал да стане доктор го терало уште повеќе да учи.

Запишал средно медицинско училиште и завршил за лаборант.

Иако бил одличен ученик не бил примен на Медицинскиот факултет во Сараево.

После тоа одлучил да се запише на Природно - математичкиот факултет.

Цело време додека студирал работел и како келнер.

По извесно време одлучил да се запише на Виша туристичка школа во Дубровник, но не му се учело и не завршил ни прва година.

По наговор на режисерка од Македонија, која препознала дека има талент за глума, Маца се запишал на Академијата за сценски уметности во Сараево и завршил како најдобар во класата.

На следната страница прочитајте повеќе за неговиот живот за време на војната