Сакал да стане ортопед, по 2 разводи се ожени за 20 години помлада фризерка – Факти за актерот Драган Маринковиќ - Маца

Ја преживеал и војната

Кога имал 20 години, започнала војната во Босна и не сакал да замине од Сараево и да ја напушти мајка си.

„На почетокот на април ситуацијата со војната почна да врие. Беше пролет, ниту куче немаше по улица.

Замислете празни улици, ништо да не се слуша, само птиците.

Тишина, но онаа морничавата.

Деновите никогаш не ми биле подолги во животот бидејќи не смеевме да излегуваме.

Веќе имаше сериозна војна, но сите мислевме дека ќе помине, па ќе одиме на море во Макарска.

Отидов кај мајка ми, а таа стави јамболии преку телевизорот и прозорецот, да не ни падне граната.

Жената не знаеше што е граната и дека тоа нема да нѐ заштити. Започна пукањето и одеднаш почна да се ниша зградата.

Го погодија спратот над нас, а јас ја гледам мајка ми низ таа прашина како бега. Потоа ја задевав дека го оставила синот да го убијат“, раскажа актерот во емисијата „Преживеани“.

20 години помлада сопруга

Пред сегашната сопруга два пати бил во брак.

За себе вели дека е русофил, посебно на подрачјето на книжевноста и токму поради тоа неговите синови се викаат исто како најголемите руски писатели.

Првиот син Лав, го добил во 2003 година со стилистката и шминкерка Амра Реџиќ.

Вториот син Фјодор Симеон го добил со Тијана Голубовиќ од Нови Сад со кој се венчал на 25.07.2010 година, само два месеци пред да им се роди синот.

Иако после разводот со Тијана рекол дека никогаш повторно нема да се ожени, денес плови во брачните води со 20 години помладата фризерка Јована.

Се венчале на 14 јануари во 2017 година во храмот Свети Василије Острошки.

Имаат голем желба да имаат деца, а пред неколку години кога Јована била бремена со тројка, ги изгубила бебињата.

Исклучително многу е педантен

Сака работите да му бидат уредни и организирани, гардеробата ја средува по боја, сака уреден и чист простор за живеење. 

Јована одлично се вклопила во овој негов начин на живот.

С. Ш. | Црнобело / фото: Инстаграм