Се венчаа Анастасија Ражнатовиќ и Немања Гудељ, во домот на Цеца и во присуство на најблиските
- Детали
- вторник, 28 мај 2024
Првите фотки од тајната венчавка на Анастасија и Немања ги објави Вељко. Цеца е пресреќна што ќерка ѝ конечно застана пред матичар.
Ќерката на Цеца Ражнатовиќ, Анастасија, минатата година стапи во црковен брак со нејзиниот сопруг Немања Гудељ во Севиља во Шпанија, а денес (28.05) тие двајца стапиле и во граѓански брак пред матичар.
Како што соопштуваат српските медиуми, свадбата на Анстасија и Немања се одржала во најголема тајност во семејниот дом на пејачката, а присуствувале само најблиските членови на семејството.
Првите фотографии ги објави братот на Анастасија, Вељко, и на нив се гледа дека младата пејачка за оваа пригода се одлучила за едноставен бел сатенски фустан, додека младоженецот избрал бела маичка и црни панталони.
Познато е дека на церемонијата присуствувале и членовите на семејството на Немања, а кум од страната на Анастасија бил нејзиниот најдобар пријател Љубомир Тозев, додека од страната на Немања бил неговиот пријател Горан Телебак.
„Сите сме пресреќни и многу се радувавме на овој ден!
Сакам сите да се сакаат и да се почитуваат, а сѐ што ќе им донесе животот да го поминуваат со љубов“ – изјави Цеца за blic.rs.
За потсетување, Анастасија и Немања минатата година на 14-ти јули направија тајна црковна венчавка во Севиља, а стапувањето во граѓански брак го одложија за подоцна.
Инаку, ова е втора веселба во домот на Цеца во период од околу две недели.
Тие на 15-ти мај го прославија раѓањето на третиот син на Вељко, Исаија.
Б. С. Б. | Црнобело
Би можело да ве интересира:
