Карлеуша во нова „војна“ со Душко Тошиќ - помалата ќерка застана на страната на мајка си

Детали

среда, 29 мај 2024

„Би ја замолила ‘другата страна’, наместо дополнително да нè срами во медиумите (зарем не сме доволно обрукани за 3 животи) конечно да одговори на предлогот за спогодбен развод кој го чекам 5 години“, напиша Карлеуша, откако во јавноста се појави преписката на Душко Тошиќ и Северина.

Не стивнува „војната“ помеѓу Јелена Карлеуша и нејзиниот сопруг Душко Тошиќ, со кого е разделена скоро 5 години.

Новата јавна преписка меѓу пејачката и фудбалерот почна откако Северина објави пораки што ѝ ги испраќал Душко, а од кои може да се прочита дека тој се обидува да флертува со неа.

Според српските медиуми, Северина ја објавила преписката со Душко за да ѝ се одмазди на Јелена, бидејќи двете пејачки веќе некое време се „прозиваат и расправаат“ преку пораки на Инстаграм Стори.

Ова беше доволно за Јелена и Душко повторно да се најдат во центарот на вниманието на јавноста.

Изнервиран од некои пишувања дека Јелена е иницијатор за разводот, а не тој, и коментарот на Јелена дека тоа што го прави Душко низ годините само им создава стрес на децата, фудбалерот се огласи на Инстаграм Стори.

„Дај Боже конечно таа да реши да се разведеме спогодбено“.

Тој потоа даде и подетално објаснување:

„Бидејќи гледам многу лаги од другата страна... Не зборував 4 години за својот приватен живот бидејќи сметам дека сум над секоја ситуација, но сè има свои граници, а мојата толеранција полека се приближува кон крајот, па затоа наскоро детално ќе ја раскажам својата верзија.

Само, се плашам дека медиумите ќе мора следните две години да се занимаваат со тоа“, напиша тој.

Ова ја испровоцира Карлеуша, која му одговори:

„Додека јас спијам во соба со моите деца, ‘другата страна’, како што ме нарекува, пишува пораки од приватна журка.

Сигурно е некоја луда забава штом заборавил дека вчера ѝ даваше ексклузива на новинарката која за него пишуваше дека е хомосексуалец и дека го тепаат на сплавови, и која му го валкаше семејството со години.

Што се однесува до заканите што им ги упати на медиумите, мора да кажам дека јас континуирано трпам закани од таков тип, следење, прислушкување, уцени, навреди, физички напади.

Би ја замолила ‘другата страна’, иако тука постои само една наша и тажна страна, наместо дополнително да нè срами во медиумите (зарем не сме доволно обрукани за 3 животи) конечно да одговори на предлогот за спогодбен развод кој го чекам 5 години. 

Тоа е сè што треба да го направи, наместо да ѝ се заканува на мајката на своите деца, која милион пати застана во негова одбрана“, напиша Карлеуша.

Дека е на страната на својата мајка, преку ТикТок покажа помалата ќерка на Јелена и Душко, Ника.

Таа објави видео на кое пее песна од мајка си, па многумина коментираат дека е храбра и зрела и дека одлично (барем јавно) се носи со целата ситуација низ која поминуваат таа и сестра ѝ Атина, поради скандалите на нивните родители.

Погледнете го видеото:

@_nikatosic

Benga

♬ Benga Karly Spreda up - blknmscvibe

Прочитајте и Душко Тошиќ ѝ праќал пораки на Северина, сакал да му пее на јахта – Пораките заради кои бившиот на Карлеуша стана хит на Твитер

А. Ј. | Црнобело