Србин е хит на Инстаграм со смешните видеа инспирирани од животот на Балканците

Детали

четврток, 30 мај 2024

Дали трчате кон прозорот за да видите што се случува кога ќе помине возило на брза помош или полиција? Тогаш сигурно ќе се пронајдете во видеата на Жељко од Србија.

Ако имате навика да „скролате“ на Инстаграм и сакате кратки видеа со хумористична содржина, тогаш можеби сте налетале на профилот на Жељко Маленовиќ.

Жељко, кој е роден во Србија, објавува забавни видеа преку кои прикажува детали од секојдневието на Балканците кои и нам Македонците ни се многу добро познати.

Младиот Србин црпи инспирација од неговиот живот во балканска земја, а доста често во неговите видеа се појавува и баба му.

Покрај него, во некои видеа ја гледаме и сестра му Невена која постепено тргнува по неговите стапки и објавува свои видеа на ТикТок.

На Инстаграм 23-годишниот Жељко го следат скоро 200 илјади корисници, додека на ТикТок има над половина милион следбеници и дури 47 милиони лајкови на видеата.

И покрај огромната популарност, неодамна Жељко за српските медиуми откри дека заработка речиси и да нема.

„Ги објавувам моите видеа на Јутјуб, Фејсбук, ТикТок и Инстаграм. Што се однесува до заработката, од ТикТок не може да се живее.

Паѓа по некоја пара од прегледи, спонзорства. Секако, имам поддршка од родителите“.

Изјави и дека некогаш му пречи што многу луѓе го препознаваат.

„Мене ми се допаѓа ’славата‘ што ја имам, но некогаш децата се неподносливи. Не ми е проблем што ми приоѓаат, туку тоа што се невоспитани.

Еднаш ми го опколија автомобилот и не можев да се помрднам. Ме навредуваа“.

Тој се соочувал со критики за баба му.

„Многумина мислат дека ние ја тераме баба да снима со нас. Пишуваат негативни коментари за тоа како снимаме.

Фала Богу не читам многу коментари. А, не ги ни бришам негативните – нека видат другите какви луѓе има“.

Дел од најзабавните видеа на младиот Србин:

„Балкански татко влегува со гостин во твојата соба за да му покаже нешто, додека ти спиеш“

„Кога девојка ти ќе рече ’Кажи ми, нема да се налутам‘ и откако ќе ѝ кажеш“

Продолжува на следната страница...