Јелена Ѓоковиќ најпровокативна досега, Шерифовиќ со девојката со која наводно е во врска – Светски гламур на отворањето на „Сава центар“

Детали

среда, 04 септември 2024

Јелена Ѓоковиќ носеше накит од 8.000 евра, Лепа Брена дојде со синот - српскиот џет-сет синоќа прошета на црвениот тепих на свеченото отворање на реновираниот „Сава центар“ во Белград.

Вчеравечер (03.09) во Белград со црвен тепих и концерт за паметење, свечено беше отворен реновираниот „Сава центар“.

На настанот на годината, како што го нарекоа и јавноста и медиумите, дојде целиот српски џет-сет, но и по некој гостин од регионот.

На гламурозниот црвен тепих продефилираа дами во свечени тоалети и впечатливи креации, но и мажи облечени со стил - дел во смокинзи, други во кежуал интересни комбинации.

На отворањето дојдоа многу познати личности, меѓу кои и Лепа Брена, Јелена Ѓоковиќ, Драгана Мирковиќ, Јелена Томашевиќ и Иван Босиљчиќ, Данијела Димитровска, Дејан Миличевиќ, Сара Јо, Милан Мариќ, Драган Бјелогрлиќ, Александра Радовиќ, Раде Шербеџија, Харис Џиновиќ, Марија Шерифовиќ, Ана Бекута, Теја Дора, Сале Тропико, Жика Јакшиќ...

Посебно внимание привлече Јелена Ѓоковиќ, која беше во најпровокативно издание досега - носеше мини здолниште и накит од брендот Van Cleef, што чини околу 8.000 евра.

Марија Шерифовиќ, пак, дојде со пејачката Јована Пајиќ, за која се шпекулира дека ѝ е девојка.

Меѓу гостите на отворањето на „Сава центар“ во Белград беа и нашите Нина Ред и фризерот Октај Сејди.

За забавата да биде врвна, исто како и црвениот тепих, се погрижи безвременскиот Здравко Чолиќ, кој одржа концерт за кој долго ќе се зборува.

Погледнете ги видеата и фотографиите од отворањето на „Сава центар“ на следната страница...