Србинка во солзи: „Ова ти е Америка - работиш за да умреш сам“

Детали

четврток, 31 октомври 2024

„Ова ви е Америка. Моментално сум пред болница. Моја колешка од работа која има 42 години, Мексиканка е и има 4 деца, имаше мозочен удар на работа...“, ја започнува приказната Ива Аниќ од Србија.

Ива Аниќ е девојка од Србија која живее и работи во Америка и своите искуства оттаму ги споделува на нејзиниот ТикТок профил.

За жал, сега Ива сподели едно потресно видео во кое со солзи во очите раскажува за ситуацијата со која се соочила нејзина колешка од Мексико.

Ива вели дека сурово е како толку работиш и се трудиш таму, а буквално можно е да умреш сосема сам.

Во видеото Ива вели:

„Ова ви е Америка. Моментално сум пред болница. Моја колешка од работа која има 42 години, Мексиканка, и има 4 деца на возраст од 10 до 20 години, имаше мозочен удар на работа.

Префрлена е со хеликоптер во Бостон, имаше операција и сега е на интензивна нега и немаше кој да ја посети.

Ми кажа дека немала доволно пари за да им испрати на децата за да ѝ дојдат на посета и дека овој месец работела многу за да им плати станарина.

На нашиот работодавач, се разбира, не му беше грижа. Всушност, на никого не му е.

Јас дојдов да ја посетам затоа што секогаш беше добра со мене.

Целиот износ кој треба да го плати за болницата е 55.000 долари (50.000 евра), но, за среќа, Масачусетс е во ред по тоа прашање и ако немаш да платиш, сметката ќе биде платена од фондот.

Ѝ пружија помош и што е најважно стабилна е. Толку ме заболе што толку човек се труди за да ги обезбеди децата, а потоа завршува во болница и нема никого.

Таа ми кажа дека јас сум ѝ најблизок пријател.

Сето ова ми е ужасно – да немаш никого и на газдата да не му е грижа за тебе.

Јас ѝ донесов пижами, а јас не сум ѝ пријателка, туку колешка од работа. Тоа ме боли многу, гледајте ги луѓето околу себе и помогнете им колку можете“.

Нејзиното видео насловено како „Работиш за да умреш сам“ има илјадници споделувања.

Погледнете го видеото:

https://www.tiktok.com/@d_iva7/video/7428702609483124001

С. С. | Црнобело