„Животче мое најубаво“ – Саша Ковачевиќ сподели ретко видео со саканата Зорана и нејзината ќеркичка која слави роденден

Детали

четврток, 26 декември 2024

„Секогаш вака да се смееме, среќен роденден путер мој“ – ѝ посака Саша на ќеркичката на неговата девојка, со која е многу близок и ја гледа како своја ќерка, а нејзиниот татко пак, објави како дуваат торта со малата Искра и неговата сопруга со која очекува заедничко дете. 

Саша Ковачевиќ е речиси една деценија во љубов со својата сакана Зорана Тасовац, која има дете од Богдан Срејовиќ, бившиот на Цеца.

Саша ја знае Искра уште од најмала возраст и отсекогаш имаат близок однос, па често знае на Инстаграм да сподели некоја фотка со неа.

Сега, по повод нејзиниот 10-ти роденден на 25.12.2024, пејачот сподели видео од архива, направено на некој од нивните одмори на егзотична дестинација.

На видеото тројцата се во отворено возило, кое наликува на TUKTUK автомобилите кои се возат во азиските земји.

Саша и малата Искра наизменично ја пеат песната Leave The Door Open од Бруно Марс, додека тој држи телефон наместо микрофон и двајцата се забавуваат.

Зорана пак, ги гледа со очи полни љубов, насмеана и горда што нејзините најважни луѓе во животот се толку блиски и уживаат во заедничкото време.

Во описот на видеото Ковачевиќ напиша: „Засекогаш вака да се смееме, пееме и да се сакаме, животче мое најубаво! Ти си моја гордост и најдобро девојче на светот! Нека ти е среќен роденденот путер мој, те сакам!“

Кликнете за да го погледнете видеото: 

Инаку, во минатото, српскиот заводник има изјавено дека би сакал да се оствари во улогата на татко кога ќе дојде време за тоа, а дотогаш, малата Искра ја гледа и како свое дете. 

Тој ретко споделува приватни моменти на социјалните мрежи, но одвреме-навреме знае да ѝ искаже јавна љубов на саканата Зорана со заеднички фотки и емотивни пораки. 

По повод роденденот на Искра, и нејзиниот татко, Богдан Срејовиќ објави неколку фотки на Инстаграм Стори со кои ѝ го честита роденденот. 

„Среќен роденден животе мој“ - напиша тој на фотките на кои позира заедно со ќеркичката и сопругата, на свадбата со неговата бремена избраничка која се случи во септември годинава, но и додека заедно дуваат свеќички на роденденската торта. 

Прочитајте и Бившиот на Цеца направи раскошна свадба со Мис Србија - првиот танц на песна од Калиопи, невестата смени 3 венчаници

М. М. | Црнобело