Беше зависен од хероин, се предозира со лекови на 44 години: Факти за Дино Дворник, хрватскиот „крал на фанкот“

Ќерка му е позната инфлуенсерка

Во 1989 година, Дино се венча со Данијела Дворник – хрватска писателка и блогерка.

Тие ја добија ќерката Ела Дворник која денес е успешна инфлуенсерка со над половина милион следбеници на Инстаграм.

Имаше проблеми со дрога

Дино со години водеше битка со зависноста од хероин, а и самиот зборуваше за овој проблем.

Според изјава на неговиот доктор кој му помагал во борбата со зависноста, тој имал и депресија.

„Беше депресивен, многу незадоволен од себе. Депресијата во одредена мера имаше врска со смртта на неговиот татко.

Почна многу да размислува за својата смртност“, изјави докторот по смртта на музичарот.

И мајка му има изјавено дека смртта на татко му многу го погодила, како и дека никогаш не забележала дека тој има проблем со зависност и дознала од медиумите.

Истовремено, сподели дека никогаш не ни забележала дека е под дејство на дрога бидејќи отсекогаш делувал како весела личност.

Страдал од хепатит

Дино имал хепатит Ц поради што примал терапија.

По неговата смрт, неговиот лекар се огласи и за ова, истакнувајќи дека терапијата што ја примаат зависници од хероин може да биде кобна ако се комбинира со терапија за хепатит.

„Денес се препорачува зависниците од дрога да примаат терапија за хепатит додека се стабилни.

Бидејќи, лековите за хепатит Ц имаат многу несакани појави, вклучувајќи и депресија и напнатост“.

Почина од предозирање

Во 2008-та, на само 44-годишна возраст, Дино Дворник беше пронајден мртов.

Само пет месеци пред неговата смрт, почина татко му – трагедија која, како што спомнавме, не ја прифатил лесно.

Токсиколошката анализа покажала дека Дино испил таблети за смирување, антидепресиви, како и таблети против болка поради што се предозирал.

Неговиот лекар потврди дека не починал од предозирање со хероин, туку лоша комбинација на лекови.

Постхумно, беше издаден неговиот седми студиски албум, насловен Pandronia kutija, на кој работел непосредно пред смртта.

Спирова С. | Црнобело

фото: Фејсбук