„Бебе со крилја“ од Србија е борец за медал - се родила без раце, но не ја трга насмевката

Детали

четврток, 20 февруари 2025

Јелена Тројановски од Бор, Србија, имала уредна бременост, направила пренатален тест, била на сите ехо-прегледи, но ниту еден доктор не забележал дека нејзината ќеркичка ќе се роди со ТАР синдромот. И сега малата Ирина е позната како „бебето со крилја“.

Ирина Тројановски од Бор, Србија, е едно од 5.000 бебиња во целиот свет кои се родени со реткиот ТАР синдром. Во мигот кога се родила, нејзините родители знаеле дека пред нив претстои тешка животна битка

ТАР синдром (Thrombocytopenia-Absent Radius syndrome) е ретко генетско нарушување што се карактеризира со недостаток на радиусната коска во подлактицата и ниско ниво на тромбоцити (тромбоцитопенија).

Ирина не може да има безгрижно детство и пред вториот роденден таа веќе имала неколку операции и се соочила со носење гипс, правење вежби и носење ортоза.

Кај неа не се развиени рацете и родена е без чашки на колениците. Нејзините рачиња се толку скратени, што десната дланка ѝ излегува од рамото.

Но, таа храбро поднесува сè и е позитивна и насмеана.

Таа со насмевката ги поттикнува родителите да бидат храбри и веќе е позната под прекарот „бебе со крилја“.

Ирина минатата година е оперирана во Полска, каде ѝ биле поставени фиксатори на нозете за да може да ги направи првите чекори.

Нејзината мајка Јелена Тројановски за српскиот медиум „Blic“ вели дека имала уредна бременост и за време на бременоста ниту еден од докторите не ја алармирал за некаков проблем.

Правела и пренатален тест, кој чини околу 800 евра, и одела на редовни ехо-прегледи.

Кога се родила Ирина, родителите доживеале шок. Минале еден месец во болница, а докторите се труделе многу околу неа, бидејќи претходно немале никакво искуство со ТАР синдромот.

Продолжува на следната страница...