MC Стојан (42) ја запроси саканата на Кипар - Ги криеше девојките од јавноста, а сега ја крие и свршеницата (фото)

Детали

среда, 14 мај 2025

MC Стојан сподели неколку фотографии на кои се гледа дека ја запросил својата сакана за време на одмор на Кипар. Но, дури и сега тој не открива која е жената што му го освоила срцето, туку ја има само оддалеку на една од фотките.

MC Stojan, со вистинско име Марко Стојковиќ, е српски пејач познат по своите хумористични песни со провокативни текстови.

Неговите песни често комбинираат елементи од поп, фолк и хип-хоп, создавајќи уникатен стил кој e мета на дебата.

Досега имал дуети со Ксенија Пајчин, Миа Борисављевиќ, Hurricane, Бресквица...

За приватниот живот на MC Стојан малку се знае, а тој не откриваше со кого е во врска и ја чуваше својата приватност љубоморно од сите.

Но, сега, на неговиот Инстаграм профил MC Стојан сподели неколку фотографии на кои се гледа дека ја запросил својата сакана за време на одмор на Кипар.

Тој ја гушка, ја држи за рака, а во фокус е блескавиот свршенички прстен.

Тој објави уште една фотографија со чаши вино и бројот 12 – кој очигледно го означува датумот на запросување (12.05), кој ќе остане врежан во нивните спомени.

Станува збор за мистериозна девојка со темна коса, која пејачот вешто ја крие од јавноста.

Неговите фанови го прашуваат пејачот која е девојката, но тој не се огласи по тој повод.

Тој неодамна направи и споредба од неговиот изглед некогаш и сега (на 42 години):

Прочитајте и Сака да стане татко, но не ја нашол вистинската, мрази кога го прогонуваат омажени жени – Зошто MC Стојан ги крие девојките?

С. С. | Црнобело