Марија Микиќ, по разводот, на Острог со децата, па бившиот сам ги вози во винтиџ автомобил без клима и пее љубовни песни

Детали

недела, 20 јули 2025

Поранешните партнери се трудат да минат квалитетно време со децата по разводот, а еден од коментарите под последната објава на Јован со децата гласи: „Буквално најубавото семејство на социјалните мрежи кај нас... Навивам да се помират“. 

Пејачката Марија Микиќ неодамна ја изненади јавноста кога објави дека се разведува од сопругот Јован Пантиќ, со кого има две деца – ќерката Ѓурѓа и синот Милија.

По разводот, Марија со децата отпатува во Црна Гора на одмор, а го посети и манастирот Острог.

Марија на Острог стави црна марама на главата и со насмевка позираше, а покрај неа цело време беа нејзините деца.

Иако, делуваа како идеален пар, Јован и Марија извесно време имале криза во бракот, што пејачката го наведе и во соопштението за разводот.

„Драги мои новинари, слободно можам да кажам соработници, и секако пријатели.

Во овие тешки времиња кои нè снајдоа, покрај сè што се случува околу нас, постои и она што се случува во нашите срца. Мислам дека одамна ви должам одговори на некои прашања и не се чувствувам убаво поради тоа.

Причината поради која не се огласував е затоа што сите баравте и очекувавте одговори кои ни самата не можев да си ги дадам. Поминував низ многу тежок период во животот на сите полиња.

Освен операцијата и моето здравје за кои бевте запознаени, најмногу прашања имаше во врска со мојот сопруг и мене. Дури кога можев на самата себе да си го изговорам тоа гласно, решив да го кажам и на вас.

Јован и јас решивме повеќе да не бидеме заедно. Животните патишта и приоритети нè одведоа во спротивни насоки и иако вложивме напори да го пребродиме тешкиот период, не успеавме. Од нашата љубов, која беше најголема што сум ја почувствувала, добивме две ангелчиња.

Ти благодарам, Господе, за нив и за љубовта што ми овозможи да ја доживеам. Тешко е кога со некого си сонуваш сè, а тоа веќе не постои. Ве молам да разберете“.

Инаку, со децата време поминува и Јован, кој ги стави во винтиџ автомобил без клима, како што вели самиот, и ги однесе на авантура во природа.

„Нема клима, нема навигација, нема блутут, ама има љубов, насмевки и вистинска музика. А тие уште викаат „Тато, вози!“ од кровот!“, напиша тој.

Продолжува на следната страница...