Тон емоции: Во Сараево се пеат „Miljacka“ и „Romanija“ на цел глас – граѓаните се збогуваат од Халид Бешлиќ со солзи, песни и свеќи (видео)

Детали

четврток, 09 октомври 2025

Граѓаните на Сарајево со солзи во очи, од душа и со цел глас ги пеат хитовите на Халид Бешлиќ, Miljacka, Romanija и многу други, додека се збогуваат од пејачот кој беше музичкиот глас на Босна и Херцеговина, а почина на 71 година.

На платото пред Домот на млaдите во Сараево, вчеравечер, голем број граѓани се собраа за да се збогуваат од нивниот пејач, Халид Бешлиќ, кој пред два дена почина на 71 година.

Многумина носеа негови фотографии и банери, беа испишани неговите стихови, а со солзи во очи палеа свеќи за него и уште еднаш покажаа како се оддава чест на своите уметници. 

Толпата во еден глас ги пееше најголемите хитови на Халид и одекнуваа стиховите на „Miljacka“ и „Romanija“, а „Prvog Poljupca“ беше изведена акапела од хор, што дополнително придонесе за емотивната атмосфера. 

Регионот изгуби уште една музичка легенда, но неговото културно наследство ќе се пренесува низ многу генерации.

Кликнете на видеата кои нема да ве остават рамнодушни:

М. М. | Црнобело