Родена е во Русија, потекнува од Монголија: Српската претставничка на Мис Универзум ја подели јавноста

Детали

петок, 07 ноември 2025

Деновиве претставничката на Србија за Мис Универзум предизвика лавина реакции поради нејзиното монголско потекло. Додека некои имаат само комплименти за убавицата, други коментираат дека има и убави Србинки кои можат да одат на натпреварот.

На 21-ви ноември, во Тајланд ќе се одржи годинашното издание на Мис Универзум, а земјите ширум светот со полна пареа ги избираат своите претставнички.

На 19-ти октомври, беше претставена и Мис Србија, но сега почнаа да се редат критики за изборот.

Годинашната претставничка на Србија е Јелена Егорова, но покрај честитките, многу Срби коментираат дека не е соодветен избор бидејќи не е Србинка, туку има монголско потекло.

„Жена со сила, емпатија и храброст, Јелена е олицетворение на духот на Србија…

Нејзината убавина не е во совршеноста, туку во целта. Нејзината моќ не е во славата, туку во добрината.

И нејзиното патување не е само нејзино, тоа е гласот на Србија, кој одекнува низ Универзумот со гордост и надеж“, стои, меѓу другото, во описот на официјалниот Инстаграм профил на Мис Србија.

На оваа објава, повеќето коментари се честитки и комплименти за убавицата.

Но, на заедничка објава со Мис Универзум, се забележуваат и критики.

„Па ние не можеме да испратиме ни мисица како што треба“.

„Сериозно? Зборува ли српски?“

„Девојката не е од Србија“.

„Убава е, но не е Србинка, ниту е родена таму. Што се случува?“

„Убава е, но има и многу убави Србинки кои можеле да нè претставуваат“.

„Потекнува од Јакутија, исто како мене и е вистинска убавица. Но, бев шокирана кога ја слушнав веста. Србија треба да ја претставува Србинка“.

Сепак, некои коментираат дека убавината не знае за граници, па не е важно од каде потекнува девојката.

Инаку, според српските медиуми Јелена е родена во Јакутија – област во источниот дел на Русија. Нејзините родители, пак, потекнуваат од Монголија, а се преселиле во Русија во 1980-тите.

Јелена има 28 години, студирала во Москва, а веќе една деценија е активна во светот на модата.

Пред Мис Универзум, Јелена ја има претставувано Монголија на друг натпревар за убавина – Miss Grand International.

Некои српски медиуми шпекулираат дека по бурните реакции на јавноста, Србија ќе се повлече од изборот.

Сепак, од организацијата уште нема најавено нешто вакво.

Повеќе фотки од Јелена во продолжение:

Продолжува на следната страница...