Оженети мажи, свршеник уапсен од Интерпол - Сите бивши дечковци на Милица Тодоровиќ

Детали

петок, 06 февруари 2026

Милица Тодоровиќ имала 3 долги врски, но и многу љубовни драми и скандали. Кои се бившите партнери на пејачката, за која се дозна дека доби дете со оженет маж?

Српската пејачка Милица Тодоровиќ (35), која на почетокот на неделава стана мајка, само неколку дена по породувањето се најде среде љубовен скандал - јавноста дозна дека таа останала бремена од оженет маж, а аферата на Милица и мистериозниот човек ја откри токму неговата сопруга.

Иако неговото име за сега не се открива, српските медиуми ги користат иницијалите Н. М., а на интернет се појавија и негови фотографии, направени на прославата со мекици, на која присуствувал.

„Ние сме 19 години во брак, имаме два сина. Тој пред еден месец ми соопшти дека чека дете со Милица.

Не сака да се разведеме, не знам што ѝ кажал на неа,“ изјави неговата сопруга за Пинк.рс.

Ова не е прва афера на Милица со оженет маж. Пејачката, се чини, отсекогаш имала динамичен љубовен живот, врски со славни личности, но и мажи со криминално досие!

Кои се бившите дечковци на Милица Тодоровиќ?

Првата јавна врска на пејачката беше со колегата Ненад Јовановиќ, кого го запозна во време кога учествуваше во популарното музичко натпреварување „Ѕвездите на Гранд“.

Нивната романса траеше четири години, и иако раскинаа, останаа пријатели.

По ова, Милица „вплови“ во уште една долга и стабилна врска, овој пат со Раде Ковачевиќ, братот на популарниот пејач Саша Ковачевиќ.

Во тоа време, таа често нагласуваше дека поминува многу време и со неговото семејство. И иако многумина очекуваа дека ќе се венчаат, таа врска не заврши со брак.

Една од најдолгите љубовни врски на Милица беше со кореографот Милош Пауновиќ. Парот беше заедно скоро 5 години, па и за оваа врска се веруваше дека ќе заврши со брак.

Врската на Милица и Милош почнала во време додека кореографот бил во брак со црногорската пејачка Андреа Демиќ, и тоа во период додека таа била бремена.

Кога раскинаа, Милица изјави дека веќе не се заедно зашто кариерата и животната динамика почнале да им се разликуваат.

Продолжува на следната страница...