Ако одите во Грција за Велигден: Кои денови се неработни, а кога се отворени продавниците и рестораните?

Детали

среда, 08 април 2026

Ако патувате во Грција за Велигден, прочитајте какво е работното време на локалите и трговските центри во празничните денови...

Во пресрет на Велигден многу Македонци веќе се подготвуваат да одат во Грција и таму да го дочекаат големиот христијански празник.

И исто како и кај нас, така и во Грција Велигден се слави на 12 април, а тоа значи дека некои денови ќе бидат работни, а некои не.

Па, ако планирате да ги поминете велигденските празници во Грција, добро е да знаете како функционира работното време на продавниците, трговските центри и рестораните во овие неколку дена.

На Инстаграм профилот Никана е објавена листата со работни и неработни денови и часови за Велигден.

Па така, според општите препораки на стопанските комори во земјата, очекуваното работно време за Велигден 2026 година за продавниците и трговските центри е следно:

Велики петок, 10 април - од 13 до 19 часот
Велика сабота, 11 април - од 10 до 16 часот
Велигден, 12 април - неработен ден
Велигденски понеделник, 13 април - неработен ден

На Велики петок, според закон, продавниците не се отвораат пред пладне поради верски служби, па затоа работното време е ограничено на попладневните часови.

Што се однесува до рестораните и угостителските објекти, до Велика сабота на полноќ, тие работат претежно нормално, а многу Грци одат директно на традиционалната вечера (магирика) по велигденската литургија.

На Велигден (12 април), повеќето ресторани и кафулиња во градовите се затворени, бидејќи празникот се слави дома со семејството, но во туристичките места многу од нив се отворени за посетителите.

На Велигденскиот понеделник (13 април) почнува нормалното работно време (преку цел ден).

Кликнете и погледнете го видеото со сите детали и препораки:

А. Ј. | Црнобело