Никола Јокиќ, и покрај милионите, ги носи ќерките на градски базен за 100 денари и јаде од пластични садови на планина

Детали

четврток, 23 јули 2026

Скромниот Јокиќ во Србија не се однесува како ѕвезда и не сака парите да го сменат - со пријателите од детството неодамна беше на рафтинг на Тара, па го посетија и планинскиот парк Пива. На Инстаграм се појави фотка од Никола, прегрнат со чуварот на комплексот, седнати на клупа, а пред нив стои храна во пластични садови, за да јадат „од централа“.

Најдобриот светски кошаркар во последниве години, Никола Јокиќ, постојано истакнува дека кошарката му е само работа, а дека неговиот живот е многу повеќе од тоа.

Иако има милиони на својата сметка (неговото богатство се проценува на 120 милиони долари), тој живее нормален, дури и скромен живот.

Секое лето Јокиќ е во Србија, во својот роден град Сомбор, каде што „ги полни батериите“ во паузата од сезоната во НБА.

Таму, Никола дома и не се однесува ниту чувствува како ѕвезда, туку обичен човек.

Тоа го покажа и овој пат, откако ги одведе своите две ќерки на јавен базен, во Кљајиќево, близу Сомбор.

Фотката од таткото со двете ќерки се споделува на Интернет, а во описот стои дека тој бил таму со семејството и пријателите, но дека најголемиот дел од времето го поминал со децата.

Според медиумите, влезот на базенот е 200 српски динари (околу 100 денари) за возрасни, а за децата е 130 динари (околу 75 денари), додека за најмалите не се наплаќа влезница.

Ова е само еден од примерите за тоа колку парите и славата не го сменија Јокиќ низ годините.

Пред неколку недели, заедно со пријателите од детството, тој традиционално беше на рафтинг на Тара, а потоа го посетија и планинскиот парк Пива, каде што се наоѓа Трновачко Езеро.

На Инстаграм се појави фотографија од Никола, прегрнат со чуварот на комплексот, седнати на клупа, а пред нив стои храна пакувана во пластични садови, но и фотка од планина, на која делува како од пластично шише полно со ракија (како што ја чуваат ракијата повеќето Балканци), да му става алкохол во чашка на момче.

„Вистински крал“, „Магичниот Никола“, „Наш!“, се дел од коментарите на социјалните мрежи.

А. Ј. | Црнобело