Сопругата на Тарик Филиповиќ во петтата деценија изгледа како 20-годишна девојка (фото)

Детали

понеделник, 03 мај 2021

Тарик Филиповиќ е босанско-хрватски актер и ТВ презентер. По неговиот деби-настап во 1985 година на театарската сцена, Тарик глумел во над 800 претстави досега. На нашата јавност ѝ е најпознат како водител на хрватската верзија квизот „Кој сака да биде милионер“, а го водеше и квизот „Потера“.

49-годишниот актер роден во Зеница (БиХ) секогаш плени со својот шарм и неверојатна харизма, а неговата сопруга не заостанува многу зад него. Тој се оженил со Лејла Филиповиќ во 2007 година.

Лејла (тогаш Шеховиќ) пак ќе остане запаметена по еден немил скандал што ѝ се случил откако ја избрале за Мис на Хрватска во 1998 година.

5 дена подоцна гласањето било прогласено за нерегуларно, со што ѝ ја одзеле круната. Таа воедно се нашла и во центарот на вниманието откако дознала дека сопругот од првиот брак ја изневерува, по што се развела.

Интересно е што Лејла и Тарик се виделе само 3 пати пред да ја започнат љубовната врска, но очигледно тоа не било пресудно за квалитетот и долготрајноста на љубовта.

Тој изјавил дека никогаш не сонувал дека ќе се вљуби во жена која веќе има дете, но не му било битно дали Лејла има едно или пет деца, таа секако е љубовта на неговиот живот.

Нејзиниот син од првиот брак, Дино, го подготвил за доаѓањето на нивното прво заедничко дете со Лејла, Арман.

45-годишната несудена мисица во својата петта деценија изгледа одлично.

Погледнете ја прекрасната сопруга на Тарик Филиповиќ:

(О)Милена | Црнобело