Една е мајка - Северина максимално ужива во времето со синот откако ѝ го одземаа старателството (фото)

Детали

понеделник, 28 јуни 2021

Помина 1 година и 10 месеци откако на Северина ѝ го одземаа старателството над единствениот син Александар, но таа се бори како лавица и ужива во секој краток момент поминат со него.

Северина речиси 2 години минува низ трнлив пат, откако судот неправедно ѝ го одзема синот наводно привремено, а му е дозволено да преспива кај неа двапати месечно. Нејзините емотивни текстови кои ги пишуваше во тој период допираа до сечие срце, посебно до мајките кои знаат каква е поврзаноста со нивното чедо.

Таа покажува дека е подготвена на сè за својот син, а во текот на летниот период го користи времето со него максимално и изминатите денови шетаа низ нејзината родна земја.

На негова желба, 49-годишната Северина го покажа адреналинскиот дух и се пушти по зип-лајн, а сега објави и фотки од нивната заедничка авантура на Плитвички Езера.

Иако на барање на нејзиниот поранешен сопруг Милан, таа не смее да го објави ликот на нивното дете на Инстаграм, љубовта помеѓу мајката и синот зрачи.

Фотки од нивната авантура на Плитвички езера:

Фотки од Северина:

Потсетете се на: „Ништо не боли повеќе од страдање за детето“ - 10 месеци откако „привремено“ ѝ го одземаа синот на Северина

М. М. | Црнобело