Силен земјотрес сруши згради на грчкиот остров Крит – има жртви и повредени (фото+видео)

Детали

понеделник, 27 септември 2021

Земјотрес од околу 6 степени утрово го погоди грчкиот остров Крит, кој предизвикал голема материјална штета, а се претпоставува дека има и жртви.

Денес, 27 септември, грчкиот остров Крит беше погоден од силен земјотрес со јачина од околу 6 степени.

Неколку сеизмолошки институти дадоа разни информации за неговата јачина што се смета дека е нормално во првите часови по земјотресот. Засега се претпоставува дека јачината е помеѓу 5,8 и 6,5 степени.

По земјотресот имало и неколку афтершокови, од кои најсилниот се претпоставува дека е со јачина од 4,6 степени. Според локалните медиуми, земјотресот срушил неколку градби, но уште нема податоци колкава материјална штета предизвикал.

Наводно, загинало едно лице и има неколку повредени, но уште не е познат точниот број. Училиштата и туристите во хотелите биле евакуирани, во случај да има уште еден потрес.

На социјалните мрежи веќе се споделуваат застрашувачки фотографии и видеа од последиците, како и од самиот момент на земјотрес.

https://www.youtube.com/watch?v=i22mNjUx1cQ

https://www.youtube.com/watch?v=5_azz2aDaCs

https://www.youtube.com/watch?v=PuliGsrZbjw

Спирова С. | Црнобело