Фото на денот: „Се возевме со Фиќо старо 37 години до Јахорина по снег – какво беше искуството?“
- Детали
- понеделник, 06 декември 2021
Колку време помина откако последен пат сте патувале со Фиќо? Млади Срби отпатуваа до планината Јахорина во Босна и Херцеговина со овој ретро автомобил и напишаа: „Доцниме само 37 години на Олимпијада“.
Фотките од млади инстаграмџии кои се возат во ретро Фиќо по снежен пат со синџири на гумите, ќе ве направат носталгични по едни дамнешни времиња.
Српската инфлуенсерка Јована Квржиќ објави неколку фотки и видео како се вози во овој ретро автомобил со Александра Сотировиќ и Никола Раџеновиќ, а во опис го раскажа искуството.
„Ме прашувате какви се патиштата до и на Јахорина. Ако едно Фиќо од ’84-та можеше од Нови Сад да стигне, со ниту еден автомобил нема да имате проблем.
Како цело четиричлено семејство можело да се напика во овој автомобил со багаж, никогаш не ми беше јасно, додека денес ние тројца со речиси 2 метра висина, влеговме без мака. Куферите и скиите на кров и тоа е тоа“ - раскажува Јована.
фото: Инстаграм - Јована Квржиќ
фото: Инстаграм - Јована Квржиќ
Инаку, автомобилот припаѓа на Никола од Нови Сад, кој според нејзините пишувања, го добил за 18-ти роденден, во оригинална боја, со прва фарба.
Му биле потребни 6 години да го донесе до состојба да може да минува поголеми релации без да се плаши дека ќе го остави среде пат.
фото: Инстаграм - Јована Квржиќ
фото: Инстаграм - Александра Сотировиќ
Ова Фиќо го слави својот 37-ми роденден, бидејќи првпат е регистриран на 6-ти декември, 1984-та година, а точниот модел е Zastava 750 lux elegant.
Никола исто така објави фотка со Фиќото на Јахорина и на шега напиша: „Задоцнив на Олимпијадата само 37 години“.
фото: Инстаграм
фото: Инстаграм
М. М. | Црнобело
Би можело да ве интересира:
Препорачуваме
Најчитани неделава
