Семејство со мали деца, завеано од снегот во Србија: „3 дена сме без храна, проваливме во куќа за да се засолниме“

Детали

понеделник, 13 декември 2021

„Тргнавме на излет, но ни се расипа џипот. Додека го поправавме почна да паѓа снег, а потоа не можевме да се вратиме назад“ – раскажува Србин кој вели дека заедно со уште 15 други лица, меѓу кои и деца, три дена се завеани од снегот во мала планинска куќичка.

Фото: Инстаграм N1

Петнаесетина возрасни лица и две дечиња на 6 и 9 години од петокот се завеани на планинско-туристичкото место Дивчибара во Србија. Тие во моментов без храна и вода престојуваат во мала куќичка во која морале да провалат за да се спасат од невремето.

Ненад Атанасковиќ во телефонски разговор за N1 раскажа како од петокот до денес престојуваат во мала викендичка без храна, а со вода се снабдуваат така што топат снег.

Фото: Инстаграм N1

Ненад раскажува дека тој и останатите „завеани“ тргнале со џипови на излет во Дивчибара, но имале проблем со дефект на едното возило и изгубиле доста време додека се обидувале да го поправат.

Во меѓувреме почнало да врне снег, по што почнала и снежна бура и не можеле да се вратат назад. Пронашле напуштена куќичка во која провалиле за да се засолнат.

Инаку, српските медиуми пишуваат дека во текот не вчерашниот ден (недела, 12.12) екипите на противпожарните единици, шумските служби, мештаните од Дивчибара и членовите на џип-клубот „Пожега“ се обидувале да се пробијат до куќата, но не успеале.

Фото: Инстаграм N1

Надлежните се надеваат дека денес (понеделник, 13.12) по цели три дена конечно ќе успеат да ги евакуираат завеаните семејства заради подобрената временска состојба.

Според последните вести од Србија зимскиот планински туристички центар во моментов е затрупан со снег, а снежните наноси на некои места се над 1 метар височина.

Погледнете дел од фотографиите и видеата што се споделуваат од овој зимски туристички центар:

Фото: Инстаграм Divcibarepeaks

Фото: Инстаграм Divcibarepeaks

Б. С. Б. | Црнобело