Зошто Милан Мариќ за мене е најдоброто од Србија? „Тома“ и „Беса“ ми се доказ за тоа!

Детали

понеделник, 03 јануари 2022

Не знам за вас, но јас се „опседнав“ со Милан Мариќ.

Неверојатно талентиран, со раскошна палета на улоги - од Тома во истоимениот филм до Лука во врвната српска серија Беса, тој блеска апсолутно во секоја улога.

Толку природно глуми и едноставно е совршен во секоја улога.

Висок, црномурен, мистериозен, самоуверен, едноставно остава впечаток со појавата.

Дури и со раскошен талент за пеење, што докажа деновиве со изведбата на песната „Поноч“ од филмот „Тома“ во една новогодишна емисија.

Плус, некако изгледа како да не е во трка за слава, туку како да сака да стави фокус на квалитетот на глумата, дефинитивно шлагот од српската кинематографија.

Наредна на листата ми е серијата „Државни службеник“, каде Милан се појавува во главна улога и верувам дека нема да ме разочара.

Некако помоќен ми е и од Милош Биковиќ и од Милан Калиниќ и од Андрија Милошевиќ, актери од Србија кои си ги обожавав.

Сега целиот мој интерес е концентриран на него.

Прифаќа улоги од различен тип, се посветува на секоја една од нив максимално, и не му е проблем дури и да симне или качи по 20 килограми за улога.

Има некој посебен сексапил во него, зарем не?

Искрено мислам дека Милан е најдоброто од Србија и дека неговото време допрва доаѓа.

© CRNOBELO.com Забрането преземање и копирање. Крадењето на авторски текстови е казниво со закон.