„Станија, ти не треба да бидеш пример за девојчињата“ – Српска водителка стана вирален хит со дрскиот коментар
- Детали
- четврток, 27 јануари 2022
Прво јавно ги прозва српските старлети, а потоа рече дека само дискутирале. Како изјавата на водителката Сања Маринковиќ дека пример за децата треба да бидат врвните спортисти, а не старлетите, вирално се прошири на социјалните мрежи?
Водителката на српската емисија Магазин Ин, Сања Маринковиќ во својата емисија ги покани српските старлети Станија Добројевиќ и Ива Гргуриќ, кои се познати и по тоа што учествуваа во реални шоуа, а нејзината прозивка деновиве стана мошне популарна на социјалните мрежи.
Во еден миг во емисијата се говореше за тоа како изгледаат новите примери на коишто децата им се восхитуваат, при што Станија која е позната по тоа што објавува провокативни фотографии на социјалните мрежи рече дека смета дека таа самата е пример за малите девојчиња.
Коментарот што потоа водителката Сања го даде доби вирален карактер и деновиве масовно се споделува на социјалните мрежи:
„Јас лично сметам дека ниту ти Станија, ниту која било друга од вас не треба да биде пример за девојчињата од 7, 8 години. Може да се сликаат со Ивана Шпановиќ, со Ана Ивановиќ, со Новак Ѓоковиќ, постојат некои други вредности, ме разбираш?“
Сепак, Маринковиќ по емисијата се обиде да ги смири страстите па на Инстаграм Стори напиша:
„Само дискутиравме“.
По емисијата старлетата Станија Добројевиќ даде изјава за српскиот портал alo.rs каде образложи дека таа за себеси смета дека бројките на нејзините профили на социјалните мрежи сепак говорат дека таа е пример за младите.
„Свесна сум дека имам голема одговорност секојпат кога ќе објавам некоја фотографија, но во тие работи не гледам ништо лошо, се трудам сето тоа да биде коректно и на некој начин поучно. За оние што го застапуваат моралот, за нив не можеш да бидеш паметен и образуван“ – вели таа.
https://www.instagram.com/p/CZAJlHEr_2C/?utm_source=ig_web_copy_link
Инаку, Станија кратко ги прокоментира и прозивките од српската водителка при што рече:
„Сања и јас го решивме тој проблем, таа ми се извини и некако завршивме со тоа. Инаку, таквите работи не ме допираат“ – рече таа.
Погледнете го виралното видео во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
