Се шпекулира: Петар Грашо и Хана ќе ѝ ја украдат идејата на Данијела Мартиновиќ за име на детето

Детали

понеделник, 23 мај 2022

Откако се омажи за Петар Грашо, поранешниот партнер на Данијела Мартиновиќ, во венчаница од омилениот бренд на пејачката, Хана Хуљиќ која очекува бебе со Грашо, наводно избрала едно од имињата кои Данијела ги имала на ум за своето бебе.

Според хрватските медиуми, Петар и Хана, ќерката на Тончи Хуљиќ, кон крајот на јули ќе станат родители.

Крајниот термин за породување е 23 јули, а тој ден Петар ќе настапи на музички фестивал во Сплит, поради што можеби нема да може да присуствува на раѓањето на детето.

На истиот фестивал настапува и таткото на Хана, Тончи, а уметнички директор на фестивалот е нивниот зет Иван, па семејството ќе биде доста зафатено во текот на овој период.

Веќе е откриено дека парот очекува девојче, а се шпекулира и околу нејзиното име. Наводно, парот го избрал името Алба.

Интересно е што Данијела Мартиновиќ имала желба така да се вика нејзиното дете доколку би го имала некогаш со Петар Грашо.

Во интервју за магазинот ИН во 2014 година, таа изјавила дека не сака ништо повеќе од потомство и дека на момче сигурно ќе му го дадат името Тони, но за девојче имале избор од две имиња.

„Навистина, тоа е најголемата желба во мојот живот во моментов. Еве, навистина се надеваме дека многу брзо ќе се радуваме. Синот ќе биде Тони, се знае, по покојниот дедо на Петар, а за девојчето имаме две имиња, Луце или Алба, интересно, тие се сосема дијаметрално различни, па можеби луѓето ќе се изненадат.

Луце, затоа што е вистинско далматинско, наше име, а мојата покојна баба беше Луце, но кога го слушнав името Алба, бев многу возбудена, бидејќи Алба на италијански значи „зора“, исто така е двосмислено, убаво и необично, а сепак блиску до нас и различно“, изјавила тогаш Даниела.

Петар Грашо и Данијела Мартиновиќ беа заедно 24 години, а за тоа време беа блиски семејни пријатели на Тончи Хуљиќ, па ја гледаа Хана како расте и созрева.

Минатата година хрватските медиуми објавија дека парот повеќе не живее заедно, а набргу потоа се шпекулираше дека Грашо е во врска со младата Хана, која набргу потоа забременила.

Тие неодамна се венчаа во црквата Свети Доминик во Сплит, на интимна церемонија која собра неколку десетици најблиски луѓе.

Останува да видиме дали парот навистина ќе го крсти своето девојче Алба…

(О)Милена | Црнобело