„Не ти треба да се мажиш, да служиш некој“ - Баба од Србија е хит на социјалните мрежи со советите за внуката

Детали

среда, 07 септември 2022

„Не треба да служиш никого, никој не ти треба. Не ти треба да се мажиш“ – ѝ порачува оваа бабичка на својата внука. Баба Јулијана со своите совети за бракот стана вистински хит на социјалните мрежи.

Повозрасните луѓе знаат да нè изненадат, но и да нè насмеат добро со своите совети. Баба Јулијана од Србија стана вистински хит на социјалните мрежи со советите за бракот и сексот што ги споделува во видеата.

За популарноста на баба Јулијана е виновна нејзината внука Љубица која редовно ги споделува нејзините видеа со совети на ТикТок.

Без влакна на јазикот, баба Јулијана редовно го споделува своето искуство за бракот, брачниот живот и сексот, па така во едно видео таа ѝ вели на својата внука:

„Баба Јулијана ти вели – да не се предаваш никому, никој не ти треба. Уживај, сама да уживаш. Не треба да служиш никого, никој не ти треба. Кога ќе ти треба најди маж – за час, два, еден ден или колку (ти треба). Нема потреба да се мажиш“.

@baka_julijana_i_unuka

KOLIKO VAS SE SLAZE SA BABA JULIJANOM? ??

♬ original sound - Ljubica

Нејзината внука појаснува во коментар дека баба ѝ тоа го говори затоа што таа е разведена со едно дете, но голем број од нејзините следбеници дадоа позитивни коментари.

„Браво бабо!“, „Колку и да служиш, тоа никој не го цени“, „Оваа баба е цар“, „Посакувам мене да ми беше баба“ – стои во некои од коментарите.

Дека бабата и внуката се мошне блиски говори и фактот што тие двете заедно беа на море ова лето, па во едно од видеата Љубица се шегува со баба ѝ, па ѝ вели дека дедото во нивна близина би ѝ одговарал, на што Јулијана одговара:

„Не, не е тој за мене. Не ми одговара. Не е мој тип. Јас би сакала нешто помладо. Што ќе ми е овој стар, да не може чаша вода да ми донесе? Што ќе ми е?“

@baka_julijana_i_unuka

Nije duda luda ??

♬ original sound - Ljubica

 Б. С. Б. | Црнобело