Сања ги критикувала постојано, ќе се спојат само за 50.000 евра – откриени причините за распаѓањето на „Ураганките“

Детали

четврток, 06 октомври 2022

„Главната причина заради која веќе не настапуваме заедно е фактот дека ни истече договорот. Меѓутоа, ако некој ни понуди добра цифра, можеме да се споиме и да дојдеме заедно“ – рече Ксенија Кнежевиќ од српската група „Hurricane“. За колкава цифра се работи?

Во 2021-ва година српската група „Hurricane“ настапи на Евровизија, по што станаа едни од најпознатите српски групи на Балканот.

Благодарение на атрактивниот изглед и добрата музика, Сања Вучиќ, Ксенија Кнежевиќ и Ивана Николиќ за брзо време станаа мошне познати кај публиката, а ова лето најавија дека планираат да се разделат.

Ивана Николиќ важеше за најатрактивна меѓу трите девојки, а деновиве ја објави првата песна од својата соло кариера, насловена Ispočetka, а видеоспотот за оваа песна, во само еден ден има над 445.000 прегледи.

Додека голем број од нивните обожаватели сакаат трите девојки повторно да се обединат и да настапуваат заедно, во гостувањето во емисијата „Амиџи Шоу“, Ксенија Кнежевиќ појасни дека главната причина заради која одлучиле да се разделат е тоа што им истекол договорот.

„Главната причина заради која веќе не настапуваме заедно е фактот дека ни истече договорот. Меѓутоа, ако некој ни понуди добра цифра, можеме да се споиме и да дојдеме заедно“ – рече Ксенија во таа прилика.

Таа призна дека имало недоразбирања помеѓу девојките и дека Сања ја нервирала повеќе од Ивана затоа што постојано ја критикувала заради доцнењето.

Српските медиуми, пак, повикувајќи се на сопствени извори пишуваат дека главна причина заради која се распаднаа „Ураганките“ се парите.

Додека работеле заедно наплаќале по 30.000 евра од настап, а сега одлучиле таа цена да порасне на 50.000 евра од вечер за заеднички настап, а сите три атрактивни девојки се уверени дека може да заработат многу повеќе пари од оваа поделена сума, доколку се сконцентрираат на соло кариера.

Б. С. Б. | Црнобело