„33 години го чекав ова“ – девојка 4 месеци патувала со велосипед за да го запознае својот татко (видео)

Детали

сабота, 21 јануари 2023

Пред 7 години дознала дека татко ѝ е од Турција, кој по 26 години конечно одлучил да ја побара и да стапи во контакт со неа, а годинава конечно одлучила да тргне на долг пат со велосипед за да го запознае човекот што ѝ дал живот.

Медлин Хофман (33) патувала 4 месеци со велосипед од Франкфурт, Германија за да го запознае својот татко, Дуран Текин (64) кој живее во градот Кајсери, во централна Турција.

Медлин пораснала во Германија, а во последните години работела како модна дизјанерка во Австралија. Пред 7 години дознала дека татко ѝ е Турчин, но ѝ требало подолго време за да донесе одлука дека конечно да го запознае.

Минатата година таа одлучила да даде отказ на работното место во Австралија, да се врати во Германија каде пораснала, а во август 2022-ра година го започнала 4-месечното патување до Турција, каде го запознала својот татко.

Таа вели дека сакала да тргне на ова долго патување затоа што сакала да ја открие втората половина од своето потекло и да се пронајде себе.

„Имав измешани емоции затоа што тргнав да го запознам татко ми за првпат. Го чекав овој миг дури 33 години. Четири и пол месеци патував со велосипед за да го доживеам овој момент“ – вели таа.

Меделин додава дека сака да ја запознае својата втора култура, да го научи турскиот јазик, да слушне турска музика и да проба турска храна.

Во своето 4-месечно патување Меделин поминала низ Франција, Швајцарија, Италија, Хрватска, Словенија, Црна Гора, Босна и Херцеговина, Албанија и Грција.

Татко ѝ, пак појаснува дека во 1973-та година заминал на работа во Германија, каде запознал една Германка со која добил 2 ќерки.

Но, тој и жената одлучиле да се разделат и цели 28 години ги немал видено своите деца, по што се обидел да ги најде и да стапи во контакт со нив.

Тој вели дека ја сретнал повозрасната ќерка во Германија, но не можел да ја види Меделин која тогаш живеела во далечната Австралија.

Погледнете го видеото од првата средба на таткото и ќерката по 33 години:

Б. С. Б. | Црнобело