Данијела Мартиновиќ (51) има нов дечко, по разделбата со Петар Грашо: „Тој е криминалистички инспектор, го запознав случајно“

Детали

четврток, 02 март 2023

„Првата средба се случи пред околу една година, кога мојата адвокатка поднесе пријава за крадење на идентитет преку интернет. Случајот брзо беше решен, но сè започна со еден непланиран телефонски повик...“, вели Данијела Мартиновиќ (51).

Пејачката Данијела Мартиновиќ (51) во новото интервју за хрватскиот магазин „Gloria“ откри дека има нова љубов.

По повеќе од две децении љубов со Петар Грашо и разделба, која бурно беше следена од медиумите во цел регион, Данијела конечно ја пронајде својата нова „безбедна прегратка“.

Петар Грашо брзо по разделбата стапи во брак со Хана и добија дете, но сега и Данијела конечно врти нова страница.

Таа откри дека е во љубовна врска со 49-годишниот криминалистички инспектор Јосип Плавиќ.

За својата љубовна врска во неодамнешното интервју Данијела открива:

„Првата средба се случи пред околу една година, кога мојата адвокатка поднесе пријава за крадење на идентитет преку интернет.

Случајот брзо беше решен, но потоа почна да се развива нашата приказна. Сè започна со еден непланиран телефонски повик, потоа почнавме да разговараме и да забележуваме дека делиме исти вредности, погледи на животот и светот околу себе.

Кога вака необични околности ќе им се случат на двајца комплетни странци, кои дотогаш воопшто не знаеле еден за друг, личи на филмско сценарио.

Минуваме низ убави мигови заедно и сакам нашата приказна да трае.“

Прочитајте и Петар Грашо (45) и неговата сопруга Хана Хуљиќ (31) добија бебе, два дена по 51-виот роденден на Данијела

С. С. | Црнобело