Водената стихија носи автомобили, разрушен цел автопат – Поплави во турските области што беа погодени од земјотреси (фото+видео)

Детали

среда, 15 март 2023

Градовите во Турција што пред само еден месец беа разрушени од силни земјотреси, сега се погодени од нова елементарна непогода. Силниот дожд предизвика поплави, а нивото на водата достигна до 2 метри. Погледнете повеќе видеа од погодените региони.

Силните дождови во Турција предизвикаа поплави во градовите Адијаман и Санлируфа што пред околу еден месец беа погодени од силни земјотреси.

Според информациите објавени во турските медиуми до 13 часот попладнево, вкупно 10 лица ги загубиле животите, а 3 се водат за исчезнати.

Силниот дожд започнал синоќа (14.03), а продолжил и денес во текот на денот што предизвикало силни поплави.

Водената стихија стигнала до височина од 2 метри.

Луѓето кои во силните земјотреси ги загубија своите домови и беа сместени во шатори, мораа да бараат ново засолниште, затоа што како што може да се види од фотографиите, овие области се целосно поплавени.

На социјалните мрежи масовно се споделуваат видеа од кои може да се види дека водената стихија носи сѐ пред себе.

На социјалните мрежи се споделува едно видео на коешто се гледа како поплавата однесе дел од автопатот во Хилван.

Исто така се споделува и видео од поплавена болница, каде пациентите по папучи се движат низ водата.

На едно од видеата се гледа како водата носи автомобили на улиците.

 Б. С. Б. | Црнобело