„Снегот сè уште вее“ - Белград се разбуди под снежна прекривка - Македонец ни ја доловува атмосферата оттаму

Детали

вторник, 04 април 2023

„Непредвидливата баба Марта овојпат се премести во април, па на враќање за Скопје и по ноќевањето во Белград, Белград утрово ме поздрави со снег, снег на 4-ти април...“, открива Наце Попов од Скопје за CRNOBELO.com.

Наце Попов од Скопје периодов престојува во Белград и ни открива дека утринава (04.04) метрополата на Србија се разбудила под снег.

За CRNOBELO.com тој открива:

„Чуден април во Белград...

После неколку дена поминати во Истра, Хрватска, на море, сонце, базени, плажа, природата уште еднаш ми покажа колку е моќна и знае често да е непредвидлива, а посебно во последните децении.

Непредвидливата баба Марта овојпат се премести во април, па на враќање за Скопје и по ноќевањето во Белград, Белград утрово ме поздрави со снег, снег на 4-ти април.

Овде белграѓаните, исто како и јас, се изненадени, патиките и штиклите, маиците и здолништата мораат да ги заборават денес и да ги заменат со чизми и капути.

Како и да е, во предност се во однос на мене бидејќи си се дома, па може лесно да си се преориентираат од пролет во зима (јас не бидејќи, нормално, не си понесов со себе зимска облека за на море).

Додека го пишувам ова снегот сè уште вее. Кој знае, доколку се водам по нашето искуство и колку градските зимски служби знаат да се изненадат, а посебно во април, можеби ќе треба непланирано во Белград да си останам и уште еден ден, за санкање“.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело / фото: Наце Попов