„Нашата хероина Дени“ - Девојче од Скопје во инвалидска количка, сними спот низ медените полиња на Атиџе

Детали

вторник, 09 мај 2023

„Нашата хероина Дени сними спот за нејзината трета песна ‘Пчела’. Мултиталентираната Дени отпеа фантастично, а Атиџе и јас имавме чест да ѝ пееме придружни вокали. Поголемиот дел од сцените се снимени низ медените и житни пространства на Овчеполијата, на терен на Атиџе“, напиша Сузана Турунџиева во емотивната објава за нејзина ученичка од скопско училиште.

Сузана Турунџиева е жена позната по својата хуманост и големо срце.

Таа често им помага на оние на кои им треба најмногу помош, а ги споделува и нивните емотивни приказни.

Така и овојпат, Сузана ја сподели приказната за Дени, ученичка од Скопје во инвалидска количка, која сними нова песна, „Пчела“.

Турунџиева откри дека таа ги напишала текстот и музиката.

Дени за песната сними и спот во Овчеполијата, а во него се појавуваат и Сузана и Атиџе, кои ги пеат придружните вокали.

„Нашата хероина Дени сними спот за нејзината трета песна ‘Пчела’ за која Андријана Јаневска направи прекрасен аранжман, а јас ги направив музиката и текстот. Мултиталентираната Дени отпеа фантастично, а Атиџе и јас имавме чест да ѝ пееме придружни вокали.

Во спотот ќе заблескаат и насмевките на умните дечиња од IVа одделение при ООУ Гоце Делчев - Центар, а поголемиот дел од сцените се снимени низ медените и житните пространства на Овчеполијата, на терен на Атиџе, која заедно со тетка Илинка - нејзината најблиска сосетка, беа одлични домаќини“, напиша Сузана на Фејсбук и објави неколку фотографии од снимањето на спотот.

Таа најави и дека песната на Дени ќе има промоција на 13 мај 2023.

Прочитајте и Девојче во скопско училиште танцува во инвалидска количка, со Сузана Турунџиева (видео)

А. Ј. | Црнобело