Првата жена пилот во Wizz Air од Македонија: „За првпат во мојата 10-годишна кариера моите родители ми беа патници“

Детали

среда, 31 мај 2023

„За првпат во мојата 10-годишна кариера како пилот, моите родители беа мои патници на летот од Рим до Скопје. Момент на кој се гордееме сите. Се надевам дека ќе имаме уште многу вакви“ – напиша првата жена пилот во Wizz Air од Македонија, Ива Матиќ.

Првата жена пилот во Wizz Air од Македонија, Ива Матиќ, на Инстаграм сподели заедничка фотографија со нејзините родители и откри дека во нејзината кариера како комерцијален пилот ова било првпат нејзините родители да бидат патници во авионот со којшто управува.

„Вчера, за првпат во мојата 10-годишна кариера како пилот, моите родители беа мои патници на летот од Рим до Скопје. Момент на кој се гордееме сите. Се надевам дека ќе имаме уште многу вакви“ – напиша таа.

Ива Матиќ (34) е првата жена воен пилот во Македонија. Таа магистрирала електротехника, по што била вработена како капитен во Армијата на Република Македонија, каде управувала со воен хеликоптер Ми – 17.

Ива сега е и првата жена пилот во Wizz Air Македонија, каде работи како копилот.

Инаку, претходно Ива откри дека инспирацијата за да работи во авијација ја добила уште кога била многу мала кога татко ѝ ја однел на аеромитинг во Стенковец, а денес како комерцијален пилот, постојано лета низ држави во Европа.

Прочитајте и Ива Матиќ, прва жена пилот во Wizz Air од Македонија: „Одговорноста е иста – без разлика дали има двајца или двесте патници“

Б. С. Б. | Црнобело