Татјана Стојановска за CRNOBELO открива детали за свадбата: „Венчаницата ја купив од бутик, го додадов неговото презиме“

Детали

вторник, 13 јуни 2023

„Одлуката да се венчаме на денот на 10-годишнината од заедничкиот живот со Михаил ја донесовме спонтано. Сакавме да направиме интимна прослава со нашите најблиски и токму таква прослава ни се случи, каква што и замислувавме“, вели убавата презентерка Татјана Стојановска за CRNOBELO.com, откако на 10 јуни 2023 се омажи со саканиот Михаил.

Поранешната Мис на Македонија и актуелна презентерка на вести, Татјана Стојановска, се венча со саканиот Михаил Китановски. Тие направија интимна свадба на 10 јуни 2023 година во хотелот „Александар Палас“, а таа на венчавката го смени и презимето, па сега е Татјана Стојановска Китановска. 

Татјана на свадбата изгледаше прекрасно, како и секогаш. И овојпат за нејзината шминка се погрижи Дадар, кој години наназад ја шминка познатата презентерка, а во неговото студио ја и направи и фризурата – косата собрана во опавче со венче на главата.

„Венчаницата ја купив од бутикот Lamas, а на моето презиме го додадов и неговото, па сега сум Стојановска Китановска“, откри Татјана за CRNOBELO.com.

Свадбата била весела и таа вели дека засекогаш ќе им остане како убав спомен неа и на Михаил. 

„Одлуката да се венчаме токму на денот на 10-годишнината од заедничкиот живот со Михаил ја донесовме спонтано, пред неколку месеци. Сакавме да направиме интимна прослава со нашите најблиски роднини и пријатели, и токму таква прослава ни се случи, каква што и замислувавме.

Ќе ни остане еден убав спомен кој ќе го памтиме цел живот, а верувам и нашите гости кои беа многу весели“, вели Татјана.

На свадбата на Татјана и Михаил пеела групата „Соната“.

„Благодарност до нив, до сите весели гости и до персоналот, кои заедно придонесоа за убавата забава“, додава таа.

Ова е втор брак на Татјана. Таа претходно беше омажена за фолк-пејачот Благоја Грујевски, со кого го има синот Матеј (25).

Повеќе фотографии од свадбата на Татјана и Михаил:

Прочитајте и Татјана Стојановска објави фотографии од свадбата - блеска на првиот танц покрај саканиот Михаил

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело / фото: Фото студио „Јасмина“