Браво! Семејството на херојот Кико донираше половина милион денари од собраните пари за друго болно детенце
- Детали
- понеделник, 03 јули 2023
Семејството на Кико кој неодамна ѝ подлегна на болеста направи големо хумано дело – донираше половина милион денари, односно околу 8.000 евра од собраните пари за друго болно детенце.
Кико, кој страдаше од ретката болест Атаксија-телеангиектазија, ја сплоти македонската јавност која за само неколку дена собра околу 80.000 евра за неговото лекување.
За жал, Кико почина, но неговите родители одлучија да помогнат да спасат друго дете.
Парите се донирани на Стефан, детенце на кое му е потребен аспиратор. Во апелот за помош е истакнато дека за оваа цел се потребни 585.000 денари.
Семејството на Кико излезе во пресрет и ја донираше потребната сума.
фото: Фејсбук
Веста за донацијата ја сподели македонскиот инфлуенсер Стефан Лазаров кој активно учествуваше во собирањето пари за Кико.
„Како што најавив пред 2 дена, ова утро од семејството Коцеви е извршена донација во вредност од 500.000 денари.
Ова е од Кико за Стефан.
Голем респект од мене за Горан, Катерина и Никица, семејство со вистински вредности, чесно и хумано. Заслужувате многу… а на малиот Стефан му посакувам брзо да се опорави“, пишува во објавата на Инстаграм Стори.
Спирова С. | Црнобело
Би можело да ве интересира:
Препорачуваме
Најчитани неделава
