Не е Прованса, Грција е: Македонка позира среде недогледни полиња лаванда (фото)

Мисијата заврши успешно кога едно земјено патче доволно широко да го собере автомобилот ме доведе точно пред почетокот на насадите кои не беа оградени, а беа во екот на нивниот цвет и само чекаа некој да ја овековечи нивната убавина.

Само што излеговме од автомобилот нè облеа мирис на моќна лаванда, а зуењето на ројот пчели низ цветовите доаѓаше како некоја нежна совршена симфонија.

Во прилог на моментот беше и светлината. Сонцето веќе ја имаше фатено својата втора половина и полека се спушташе на хоризонтот.

Ова беше момент кога ми се потврди тоа дека кога сакаш нешто навистина од душа и од срце го добиваш во неговата најдобра верзија, а полињата со лаванда ми ги потврдија моите соништа дека се магични и дека имаат некоја своја посебна моќ.

Ако југот од Грција маѓепсува со својата сина боја и мирисот на море, во овој случај северот е облеан и неодолив во виолетова боја и мирис на лаванда. 

Како дизајнер оваа случајна средба со полињата на лаванда можеби ќе ја претопам во некоја идна моја колекција, како што сум правела и со претходните. Инспирацијата доаѓа од секаде. 

Токму поради ваквите моменти ги сакам патувањата и уживам кога откривам нови места и кога сум во можност сето тоа да го пренесам до мојата публика на некаков начин. На креативците никогаш не им е доста од дневно сонување“. 

Прочитајте и Не е Тоскана, Демир Капија е: Недогледни полиња со лаванда - рај за очи (фото)

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело