Почина легендарниот македонски композитор Кире Костов

Детали

четврток, 27 јули 2023

„Лесно ти небо маестро“ - напиша Игор Џамбазов во објавата на Инстаграм Стори со која му оддаде почит на композиторот Кире Костов кој почна денес.

Денес (27.07) по подолго боледување почина легендарниот македонски композитор Кире Костов. 

„Летај галебе“, „Кога те нема“, „Твоите очи сине“, „Синот божји“, „Тајно моја“, „Илузија“ - се само некои од песните по кои ќе остане запамтетен.

Кире Костов е роден во 1949 година во Битола. А освен што компонирал модерна поп музика, автор е на околу педесетина композиции во оркестарска изведба од областа на џезот.

Кире Костов беше еден од основачите на фестивалот за деца и млади „Си – до“ кој се одржуваше во Битола од 1991 до 2000 година.

Тој беше и уметнички директор на фестивалот за популарна музика „Интерфест“ -  Битола за популарна музика.

Добитник е на бројни награди и признанија.

Игор Џамбазов во Инстаграм Стори објави фотографија од Кире Костов и на неа напиша:

„Лесно ти небо маестро“

„Почивај во мир, драг мој Кире“ - напиша Ивона Јо.

„Септември ‘97, на почетокот од мојата музичка кариера имав чест и привилегија првата песна да ја напише Маестро Кире Костов… Сонот стана јаве, композиторот на „Твоите очи сине“, „Кога те нема“… ќе твори за мене.

На среќата и немаше крај…Сите негови композиции имаат возвишена емоција, а тој ќе продолжи да живее преку неговите нив.

Почивај во мир Маестро, сочуство до семејството“ - напиша Маја Вукичевиќ на Фејсбук.

„Мојот Дедо Кире... Ангелче ме викаше. Ја напиша мојата песна 'За нас' и за првпат на 'Макфест' освоив 3-то место. Подоцна и 'Погледни ме'... Не успеавме да направиме уште една песна. Почивај во мир ќе ми недостасуваш“ - напиша Антониа Гиговска.

„Растевме и созревавме со неговите композиции, до ден денеска омилени кај сите генерации. Почивај во мир, драг чичко Кире Костов. Искрено сочувство до целото семејство“ - напиша Тамара Тодевска.

Б. С. Б. | Црнобело