Ирина Дишовска за мајчинството: „Се породив лесно во Државна болница, го искачив Водно 2 дена претходно, не ми се појавија стрии“

Детали

четврток, 17 август 2023

„Додека бев бремена, на сите што кажав дека ќе раѓам на ГАК реакциите им беа негодувачки. Интуицијата ми кажуваше дека ќе помине сè во најдобар ред.  Уште додека одев на редовни прегледи (кај кој било доктор што ќе се погодеше на смена, без фаќање „врски“) пристапот на вработените беше сериозно професионален, без ниту една забелешка...“, вели Ирина Дишовска за породувањето со синот Јосиф.

Планинарката Ирина Дишовска, сопруга на музичарот Павле Камилоски, на 18 јуни го роди синот Јосиф.

Таа сега реши да сподели дел од своите искуства со следбениците на Инстаграм, па преку стори одговараше на многу приватни прашања поврзани со мајчинството.

 

Пред да почне да одговара на прашањата, таа покажа дека се враќа во фит форма, иако не се поминати цели два месеца од раѓањето на бебето. Доби и комплименти дека изгледа одлично.

„Како издржуваш, секоја чест“ пишува во еден од коментарите.

„Имам мотив да си го вратам во форма струкчево“, вели Ирина и објави видео во бикини на базен.

Ирина, која пешачи многу, вели дека и Јосиф сака да е на чист воздух, па многу често додека се шетаат, тој знае да заспие во количката.

Планинарката кажа дека во бременоста качила 17-18 kg и сподели фотка од трудничкиот стомак, која ја направила само 3 дена пред породувањето.

Стрии нема, бидејќи многу ја негувала кожата, а на шега вели: „Имам само големи гради по бременоста.“

Имаше и такви кои ѝ замерија што се фотографира со „излезени гради“.

„Многу ми е срам што мајката природа најдобрата и најздравата храна за моето дете ја дава преку моите гради. Девојко, ама ич не ми е срам. Доилка су, го хранам моето дете кога сака, кај и да се наоѓаме. Кому му пречи нека ја сврти главата“, напиша Ирина.

Следбениците ја прашаа и каде се породила и дали било по природен пат или со царски рез.

„Породувањето беше на ГАК (Државна болница) по природен пат и помина лесно и брзо. Посакувам сите жени да поминат како што поминав јас на ова породување.

Верувам дека лесното породување е резултат на вежбањето. Јас вежбав до последен ден. Во петок го качив Водно, во недела се породив“.

Продолжува на следната страница...