Григор ја запроси саканата Елеонора на дното од Охридското Езеро при нуркање (фото+видео)

Детали

четврток, 24 август 2023

„Се познаваме 12 години, учевме заедно во средното медицинско училиште и студиравме на Стоматолошкиот факултет во Скопје. Во врска сме 4 години, пред тоа бевме добри другари“, открива за CRNOBELO.com Григор Манев (28), стоматолог од Скопје, за запросувањето на својата сакана, за кое вели дека знаел дека сака да биде при нуркање уште кога имал само 15 години.

Григор Манев (28) стоматолог од Скопје ја запроси својата сакана Елеонора Павловиќ (26), исто така стоматолог од Скопје, во Струга, при нуркање во Охридското Езеро.

За CRNOBELO.com тој открива детали за нивната љубовна приказна и запросувањето:

„Се познаваме 12 години, учевме заедно во средното медицинско училиште и студиравме на Стоматолошкиот факултет во Скопје.

Во врска сме 4 години, пред тоа бевме добри другари.

Запросувањето се случи под вода на дното на Охридското Езеро, а сето тоа го организираше тимот на „Diving center Scout Struga“, на кои сум посебно благодарен. Без нив не би можел да ја остварам мојата замисла.

Идејата за запросување при нуркање беше лично моја, тоа си го имав замислено уште пред 13 години, на само 15-годишна возраст.

Искрено, се плашев да не рече девојката дека ќе ги фрли и пераите и сѐ, но излезе подобро од очекуваното, затоа што имаше добра организација и тројца инструктори коишто нуркаа со нас.

Нуркавме за првпат, па пред да влеземе, имавме обука.

Прстенот беше долу на земја, покриен со табла со натпис и со олово и со камен.

Ја тргнав таблата и така ја запросив под вода, потоа се возевме со глисер, се капевме на место со кристално чиста вода, пиевме шампањско и се забавуваме тука веќе неколку дена.

Бев многу изненаден како двајцата се снајдовме со нуркањето. Од нејзина страна ми беше страв да не се откаже, но баш е борец, издржа до крај и одлично ме изненади“.

Видео од запросувањето:

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело