Катарина Ивановска, Милена Антовска: Кои наши познати личности ги однесоа своите првачиња во училиште?

Детали

петок, 01 септември 2023

Прваче колаче... Први септември е денот и кога голем број деца и внуци на познатите Македонци седнаа за првпат во училишните клупи. За многумина ова беше ден полн со емоции, а фотките од првиот училиштен ден ги споделија на социјалните мрежи.

Први септември – денот кога учениците се враќаат во училишните клупи носи посебна радост и возбуда и кај децата, и кај родителите, но и кај наставниците, а се чини дека најмногу се радуваат родителите на првачињата, на кои им започнува едно сосема ново поглавје во животот.

Познатите македонски личности денес на социјалните мрежи споделуваат фотографии од носењето на нивните деца во училиште, а дел од нив упатија и емотивни пораки до своите деца и внуци – првачиња.

Кои познати Македонци годинава за првпат ги испратија своите деца до училишните клупи?

Димитар Андоновски

„Михаил прваче. Среќно и со успеси синко“ - напиша до фотографиите објавени на Фејсбук, Димитар Андоновски.

Милена Антовска Станковска

Нашата водителка Милена Антовска сподели неколку фотографии на Инстаграм Стори од ќерката Лана Марија, која годинава е прваче.

Маја Кикириткова

„Прваче колаче. Мора вакви слики да стојат на Инстаграм“ – напиша Маја Кикириткова.

Биба Додева

„Бабино прваче“ – напиша Биба Додева до фотографијата на која е заедно со ќерката Емануела и внукот Хумберто Александар.

Евгенија Марковска

Синот на поранешната мисица Евгенија Марковска и професорот Вело Марковски, годинава е прваче.

Катарина Ивановска

Прваче е и синот на нашата најпозната манекенка Катарина Ивановска, Вања.

Бојана Скендеровски

„Среќно мамина! Биди добра и верна другарка,секогаш гладна за знаење,почитувај ги наставниците,и имај незаборавен период од твоето школување!“ - ѝ порача нашата пејачка Бојана Скендеровски на ќеркичката Искра.

Б. С. Б. | Црнобело