Антониа Гиговска го следи светскиот тренд со коса како „бело злато“ и фустан со зебра дезен - се враќа во топ форма

Детали

понеделник, 09 октомври 2023

Антониа Гиговска само три месеци по породувањето е во топ форма и одлучи повторно да се врати на стариот имиџ. Повторно е фатална русокоса, но овојпат во боја како бело злато.

Нашата пејачка Антониа Гиговска на Инстаграм се пофали дека го променила имиџот и повторно ja исфарба косата во платинеста руса боја.

Антониа очигледно го следи светскиот тренд, кој уште минатата година го вивна Ким Кардашијан, кога на Мет Галата се појави како фатална русокоса.

По ова појавување на Ким, бојата како бело злато стана вистински тренд.

„Кога Анотониа е русокоса, сѐ е друго розовко“ – напиша таа до фотографиите.

Таа на фотографиите позира во фустан со зебра дезен, со розова чанта и впечатлив розов кармин, а доби голем број позитивни коментари.

Инаку, може да се забележи дека пејачката брзо успеа да се врати во топ форма, само три месеци откако се породи со синот Киан.

Погледнете уште неколку фотографии од новиот имиџ на Антониа:

Б. С. Б. | Црнобело