Дац и Александар ненајавени се појавија на свадба и ги изненадија младенците (видео)

Детали

понеделник, 09 октомври 2023

„Влетавме на свадба како изненадување...“ – Дац и Александар споделија кратко видео во кое се гледа како ненајавени успеале да ги изненадат младенците кои неодамна правеле свадба во еден македонски локал.

Актерот Драган Спасовски Дац и нашиот музички продуцент и текстописец Александар Митевски веќе 4 години работат како музичкото дуо Дац и Александар, а имаат голем број настапи во повеќе локали и дискотеки.

Неодамна тие одлучија да приредат вистинско изненадување за еден пар кој стапи во брак.

На нивниот Инстаграм профил тие објавија кратко видео на кое се гледа како им приредиле вистинско изненадување на младенците Сашка и Дамјан, па се погрижиле забавата на свадбата да биде незаборавна.

„Влетавме на свадба како изненадување... Нека им е со среќа на Сашка и Дамјан“ – стои во описот до видеото.

Како што може да се види, познатото македонско музичко дуо настапило со песната Bella Ciao, а гостите и младенците уште повеќе се расположиле благодарение на нивната неверојатна изведба.

Погледнете го видеото:

Б. С. Б. | Црнобело