Миа Костова ужива во Дубаи - пустинско сафари, величествен поглед од Бурџ Халифа и Тијана игра качена на столче

Детали

петок, 20 октомври 2023

Од сафари во пустина, преку луда забава во познат ресторан, аквариум со ајкули во најголемиот трговски вентар во светот „Дубаи мол“, до посета на највисоката кула - Бурџ Халифа, Миа Костова ужива на патувањето во Дубаи со Тијана, синот Андрија и пријателката Илина...  

Миа Костова ужива на патувањето во Дубаи, каде што е во друштво на својот син Андрија, Тијана Скулиќ и нејзината долгогодишна пријателка Илина Поп-Христова.

Само неколку часа откако пристигнаа во Дубаи, тие беа на сафари во пустина. Се фотографираа на зајдисонце, седнати на дините во кафеаво-црвениот пустински песок.

„И едноставно така...“, напиша Миа на една од фотките што ги објави на Инстаграм.

По пустинското сафари, тие беа и на вечера со музика во познатиот ресторан Verde, каде што имаше шоу со танчарки, а највесела беше Тијана, која во еден момент се качи на столче, понесена од музиката и почна да игра.

„Кај мене е 2:40. Денес се преморивме, ама тоа не значи дека немам спремно видео“, напиша Миа на Инстаграм.

Тие објавија и неколку фотки од хотелот во кој се сместени, погледот кон центарот на Дубаи, но и од посетата на Бурџ Халифа, највисоката кула во светот, која има 163 ката.

Миа не криеше дека е воодушевена дури и од лифтот, кој води до 124-тиот кат, каде што се наоѓа платформата која ја посетуваат туристите.

Таа сподели фотки од лифтот, но и од величенствениот поглед од кулата.

Го посетија и аквариумот со ајкули, кој се наоѓа во еден од ходниците на најголемиот трговски центар во светот, „Дубаи мол“, од каде што објавија видеа.

Повеќе фотографии на следната страница...