Првата македонска пилотка во Wizz Air елегантна на гала забава во Будимпешта - Униформата ја замени со фустан

Детали

четврток, 07 декември 2023

Во асиметричен фустан со гол грб, во комбинација со црни салонки, македонската пилотка Ива изгледаше префинето на забавата на нејзината авиокомпанија.

Првата жена пилот во Wizz Air од Македонија, Ива Матиќ, беше гостинка на гала забавата во Будимпешта што ја организира нејзината авиокомпанија.

Во долг асиметричен црвено-црн фустан со гол грб, краток однапред, а долг одзади и во комбинација со црни салонки, Ива изгледаше елегантно и префинето.

Таа со својот изглед изненади многумина, бидејќи често ја гледаат во униформа.

На фотките што ги објави на својот Инстаграм профил, доби комплименти дека е најзгодната македонска пилотка.

На дел од нив, Ива во својот впечатлив аутфит позира на снег.

Матиќ повеќе од една деценија години работи како пилот.

Таа е првата жена воен пилот кај нас, а од 2021 работи како пилот на комерцијалните летови на Wizz Air.

Ива често споделува фотки и видеа од своите патувања, а пред неколку месеци откри и дека првпат летала со жена капетан и дека во авионот имало само женски екипаж, што е прв таков лет во нејзината кариера.

Прочитајте и Првата жена пилот од Македонија во Wizz Air: „Првпат по 10 години кариера летав со жена капетан и само женски кабински персонал“

А. Ј. | Црнобело