Принцези, суперхерои и Дедо Мраз им измамија насмевка на децата на Клиниката за детски болести

Детали

понеделник, 18 декември 2023

Под мотото „Да подариме насмевка“, волонтери од Црвениот крст Скопје шеста година по ред, облечени како Дедо Мраз, принцези и суперхерои, ги ја посетија дечињата во Клиниката за детски болести.

Спајдермен, Бетмен, Ана и Елса, Пепелашка, Снежана, Мики и Мини Маус, но и Дедо Мраз, измамија насмевка кај децата во Клиниката за детски болести.

Дечињата ги пречекаа суперхероите со аплауз, се фотографираа со нив, си добија пакетчиња од Дедо Мраз и му ги кажаа своите новогодишни желби.

„Заедно можеме многу повеќе“, велат од Црвениот крст, кои ја организираат оваа интересна претпразнична акција шести пат.

Нивната иницијатива секогаш е поздравена со многу позитивни коментари во јавноста, кои велат дека на овој начин секојдневието на децата на Клиниката е многу поубаво и позабавно, па за моменти и тие и нивните родители забораваат на грижите.

А. Ј. | Црнобело