Калиопи со торта и свеќи, во домашна атмосфера го слави 57-иот роденден
- Детали
- четврток, 28 декември 2023
„Среќен роденден Калиопи“ – голем број пријатели и обожаватели на Инстаграм ѝ го честитаат роденденот на нашата поп-дива, а овој ден го нарекуваат и „опиндан“.
Нашата поп-дива Калиопи денес (28.12) го слави својот 57-ми роденден, а по тој повод објави кратко видео на нејзиниот Инстаграм профил, каде насмеана и расположена ги дува свеќичките на тортата што за неа ја подготвиле блиските пријатели.
Калиопи ни покажа дел од нејзиниот дом, каде централно место зазема белото пијано со голем број фотографии.
Во видеото во заднина имаме можност да ја слушнеме нејзината позната песна: „Rodjendan“, а Калиопи на своите верни обожаватели им порача:
„Ви благодарам за секоја прегратка без допир, драги луѓе!!!“
Со објави на Инстаграм Стори, голем број нејзини познаници и пријатели ѝ го честитаа роденденот.
Интересно е тоа што на нејзиниот Инстаграм профил е објавено и Стори кое ги одбројува минутите до роденденот на поп-дивата, кој го нарекоа и „опиндан“.
Б. С. Б. | Црнобело
Би можело да ве интересира:
Препорачуваме
Најчитани неделава
