Вознемирувачко видео од Македонец: Го напаѓаат кучиња додека борда на Копаоник

Детали

среда, 17 јануари 2024

Македонец беше нападнат од кучиња додека борда на Копаоник. Тој го сподели видеото од нападот со цел да ги предупреди и другите уживатели во зимските спортови да бидат внимателни кога се спуштаат со даска или со скии низ падините.

Зимата е омиленото годишно време за сите оние што се љубители на зимските спортови, а голем број од нашите млади луѓе годинава се упатија кон ски центрите во земјава и во соседството за да уживаат во снегот.

Еден млад дечко од Македонија воопшто не очекувал дека може да биде нападнат од кучиња додека бордал, а видеото од нападот го сподели на социјалните мрежи.

Како што може да се види, кучињата тргнале да трчаат кон момчето кое се спуштало по падините и едно од нив го каснува за ногата.

Видеото е објавено како предупредување за големиот број уживатели во зимските спортови да бидат повнимателни и да внимаваат на дивите кучиња и другите животни додека уживаат во зимските спортови.

„Ако куче те види дека трчаш, нормално дека ќе тргне по тебе, затоа што мисли дека си играш!“ – стои во еден од коментарите.

Инаку, од останатите видеа може да се процени дека нападот не бил проблем за момчето да го продолжи одморот и да ужива во зимските спортови и понатаму.

Погледнете ги видеата од нападот:

Б. С. Б. | Црнобело